“Твин Хаус Констракшн” ХХК-ийн танилцуулга

“Твин Хаус Констракшн” ХХК-ийн

товч танилцуулга

“Твин Хаус Констракшн” ХХК нь 2011 онд барилгын салбарт засал чимэглэл, барилга угсралтын чиглэлээр үүсгэн байгуулагдсан. Байгуулагдсан цагаас эхлэн өнөөг хүртэл компанийн материал, техникийн баазыг өргөжүүлэх, боловсон хүчнийг чадваржуулах, эдийн засгийн бааз сууриа тогтворжуулах тал дээр анхааран ажиллаж ирлээ.

Энэ хугацаанд барилгын стандартад нийцсэн зориулалтын хэв хашмал, тулгуур төмрийг Солонгос улсаас импортоор оруулж ирэн зах зээлд түрээслүүлэх, худалдах, болон зарим барилгын компаниуд болон обьектуудад компанийн ажилтануудаа чадваржуулах зорилгоор бригадын системээр туслан гүйцэтгэгчээр оруулах зэрэг чиглэлээр үйл ажиллагаа явуулсан.

Өдгөө энэ үйл ажиллагаа улам өргөжин Солонгос улсаас оруулж ирсэн чанартай бүтээгдэхүүнийг хэрэглэх зах зээлийн эрэлт хэрэгцээ улам нэмэгдэж 300 орчим байгууллагатай “Хамтран ажиллах гэрээ” байгуулан ажиллаж байна.

Мөн байгуулагдсан цагаас эхлэн бид дараах ажлуудыг хийж гүйцэтгээд байна. Үүнд:

·           2010-2011 онд “MCS” Co.Ltd-ийн “VIVA CITY” хорооллын 5 давхар 3216 м² 70 айлын 2 ширхэг орон сууцны карказ угсралт, өрлөгийн ажил

·           2011 онд “Terra Tur” Co.Ltd-ийн 9 давхар 45 айлын орон сууцны карказ угсралтын ажил

·           2013 оны 1-р улиралд “Garnet Brilliant” ХХК-ийн 3 давхар 1500 м² оффисийн зориулалттай барилгын карказ угсралт, өрлөгийн ажил

·           2013 оны 3-р улиралд “Wizard construction” ХХК-ийн 2 давхар 1680 м² 100 автомашины гаражийн карказ угсралтын ажил

Харин энэ онд  Нийслэлийн Ерөнхий Төлөвлөгөөний Газрын өөрийн газар болох БГД-ийн 9-р хорооны нутаг дэвсгэрт барих 12 давхар 88 айлын орон сууцыг барих БГД/198 тоот архитектур төлөвлөлтийн даалгаврын дагуу уг ажлыг хийж эхлээд байгаа бөгөөд уг орон сууцыг өөрийн материал техникийн бааз дээр тулгуурлан баг хамт олноороо хийж гүйцэтгэн тухайн оны 4-р улиралд багтаан ашиглалтанд хүлээлгэж өгөх зорилт тавин ажиллаж байна.

Манай компани нь боловсон хүчнийхээ чадвар чадамжийг дээшлүүлэх зорилгоор ажилтануудаа Мэргэшсэн төсөвчин, Мэргэшсэн инженер, ХАБЭА-н ажилтан, Талбайн хөдөлмөр хамгааллын менежер г.м сургалтуудад хамрагдуулсан.

Манай компани нь 2003 оноос хойш том жижиг 30 орчим төсөлд Инженер, Талбайн даамал, Ерөнхий инженер, Төсөвчний үүрэгт ажлыг хийж  гүйцэтгэн барилгын салбарт тасралтгүй 11 дэх  жилдээ ажиллаж их туршлага хуримтлуулсан Мэргэшсэн инженер М.Насанбат-аар удирдуулсан чадварлаг хамт олон юм. 

Тус компанийн Захирал М.Насанбат нь барилгын салбарт ажиллах хугацаандаа дараах ажил үүргүүдийг хийж гүйцэтгэсэн байна. Үүнд:

·      2005 онд – Иргэн Бадамжавын амины орон сууцны барилгын ажил

·      2008 онд – Сүхбаатар Онгон сумын 35кв-ын цахилгааны шугам холбох төслийн ажил

·      2008 онд – “Скай ресорт” ХХК-ийн насос, станцийн төслийн ажил

·      2009 онд – 6А магистрал шугамын өргөтгөлийн барилгын хэсгийн ажил

·      2009 онд – “Скай ресорт” ХХК-ийн гражийн ажил

·      2011 онд – “MCS Проперти” ХХК-ийн Шинэ гэр төслийн угсралтын ажил

·      2011 онд – “MCS Проперти” ХХК-ийн Шинэ гэр төслийн гүүрний барилгын ажил

·      2011 онд – “Их тэнгэр” ХХК-ийн бохир усны насос станцын барилгын ажил

·      2012 онд – “MCS Проперти” ХХК-ийн Шинэ гэр төслийн бохир усны насос станцын ажил

·      2012 онд – “MCS Проперти” ХХК-ийн Шинэ гэр төслийн угсралтын ажил

·   2012 онд – “Одкон холдинг” ХХК-ийн Хан-Уул дүүргийн цахилгаан түгээгүүрийн барилгын  өргөтгөлийн ажил